Wednesday, May 30, 2007

മീറ്റര്‍ ഗേജ്: രണ്ട് ചിഹ്നങ്ങള്‍



സ്ഥിരമായി കേട്ടുകൊണ്ടിരുന്ന തീവണ്ടിയിരമ്പം ഇനി ഓര്‍മ്മകളിലേയ്ക്ക് മാത്രമായി ചുരുങ്ങിപ്പോകും. കൃത്യനിഷ്ഠയുടെ കാര്യത്തില്‍ കേമനല്ലായിരുന്നെങ്കിലും, പലപ്പോഴും തീവണ്ടിയുടെ ചൂളം വിളി സമയത്തെക്കുറിച്ചുള്ള ഓര്‍മ്മപ്പെടുത്തലുകള്‍ പകലുകളിലും രാത്രികളിലും രേഖപ്പെടുത്തി വയ്ക്കും.

Monday, May 28, 2007

മീറ്റര്‍ ഗേജ്: കാഴ്ചകള്‍

മരങ്ങള്‍ക്കിടയിലൂടെ, പച്ചയില്‍ നിന്ന് പച്ചയിലേക്ക്...








Sunday, May 27, 2007

മീറ്റര്‍ ഗേജ്: കാഴ്ചകള്‍

മീറ്റര്‍ ഗേജിലെ യാത്ര വളരെ പതുക്കെയാണ്. ഇലകളെയും പാറക്കെട്ടുകളെയും കൈനീട്ടി തൊടാം. വാതിലിലെ ഈ സൌകര്യത്തിനൊപ്പം വരുമോ മറ്റേതെങ്കിലും ഇരിപ്പിടം?




Saturday, May 19, 2007

മീറ്റര്‍ ഗേജ്: കുണ്ടറ




കുണ്ടറ ഈസ് എ വണ്ടര്‍ഫുള്‍ കണ്ട്രി...

മീറ്റര്‍ ഗേജ്: താക്കോല്‍ കൈമാറ്റം








കൂടുതല്‍ അറിയാന്‍: http://en.wikipedia.org/wiki/Token_(railway_signalling)

Tuesday, May 15, 2007

മീറ്റര്‍ ഗേജ്: ഫാന്‍, ബള്‍ബ്, ബെര്‍ത്ത്








കോളേജില്‍ ഒരു വിരുതനുണ്ടായിരുന്നു. പേരും നാടും പറയുന്നില്ല. ഇദ്ദേഹം മിക്കപ്പോഴും മീറ്റര്‍ ഗേജിലാണ് വരുന്നത്. കയ്യിലെപ്പോഴും പുകയുന്ന ബീഡിയുണ്ടാവും. ചിലപ്പോഴൊക്കെ മദ്യം മണക്കുന്നുണ്ടാവും.

കഥാനായകന്‍ മീറ്റര്‍ ഗേജില്‍ വരുന്ന ദിവസങ്ങളില്‍, കോളേജിനു മുമ്പില്‍ വണ്ടി നില്‍ക്കും. അപായച്ചങ്ങലയുടെ ഒരേ ഒരു ഉപയോഗം വണ്ടി നിര്‍ത്തി ആളിറങ്ങാനാണെന്നാണ് ആശാന്റെ വാദം. യാത്രയ്ക്കിടയില്‍ ബോറടിച്ചാല്‍ മാത്രം ബാത്ത് റൂമിലെ കാന്‍‌വാസില്‍ മനോഹരമായ ചിത്രങ്ങള്‍ കോറിയിടാന്‍ ശ്രമിക്കും.

പിന്നെ ഒരു ഹോബി കൂടിയുണ്ട്. മീറ്റര്‍ഗേജിലെ ബള്‍ബുകള്‍ പുള്ളിയുടെ ഒരു ദുര്‍ബലഹൃദയത്തെ വല്ലാതെ മോഹിപ്പിച്ചു കളഞ്ഞു. വണ്ടിയില്‍ കയറിയാല്‍, ഒരു ബള്‍ബെങ്കിലും ഊരിയെടുക്കാതെ ഇറങ്ങാന്‍ പറ്റില്ലെന്നാണ് പറയുക. എന്തൊക്കെ ദൌര്‍ബല്യങ്ങള്‍!

ഇത്രയൊക്കെയാകുമ്പോള്‍, യാത്രയ്ക്ക് ടിക്കറ്റെടുക്കില്ലെന്ന് പ്രത്യേകം പറയണോ? “ലെസ് ലഗ്ഗേജ് ഈസ് മോര്‍ കംഫര്‍ട്ട് എന്നൊരു ന്യായവും!

Sunday, May 13, 2007

കൊല്ലം ജം, പ്ലാറ്റ്ഫോം നമ്പര്‍ 1





പ്ലാറ്റ്ഫോം ഒന്നിലായിരുന്നു മീറ്റര്‍ ഗേജ് തീവണ്ടികള്‍ വന്നടുക്കുന്നത്. അവിടെ നിന്ന് കോളേജു കുട്ടികള്‍ പാളങ്ങള്‍ മുറിച്ച് കടന്ന് കര്‍ബലയിലൂടെ നടന്നു പോകും. വേളാങ്കണ്ണിയിലേക്കും നാഗൂരിലേക്കുമുള്ള തീര്‍ത്ഥയാത്രകളും തുടങ്ങിയത് ഇവിടെ നിന്ന് തന്നെ.

ഇടയ്ക്കൊക്കെ ആള്‍ക്കുട്ടങ്ങള്‍ക്കിടയില്‍ നിന്ന് മധുരയിലേക്കും തെങ്കാശിയിലേക്കും ഒളിച്ച് കടന്നതും ഇവിടുന്നുള്ള രാത്രി വണ്ടികളില്‍ ആയിരുന്നല്ലോ...

Thursday, May 10, 2007

കൊല്ലം - ചെങ്കോട്ട മീറ്റര്‍ ഗേജ്

കൊല്ലം ചെങ്കോട്ട മീറ്റര്‍ ഗേജ് നിര്‍ത്തലാക്കുന്നു എന്നറിഞ്ഞപ്പോള്‍, ഏപ്രില്‍ 29-ന്‍ ഒരു യാത്ര പോയി. കൊല്ലത്ത് നിന്ന് ആര്യങ്കാവ് വരെ. ആ യാത്രയ്ക്കിടയിലെടുത്ത കുറച്ച് ഫോട്ടോകള്‍...